ឯកឧត្តម ឡាន់ ឆន អញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំឆ្នាំ២០២១ និងទិសដៅការងារឆ្នាំ២០២២របស់ស្រុកអូរាំងឪ
នារសៀលថ្ងៃទី២៦ ខែកុម្ភៈ ឆ្នាំ២០២២ ឯកឧត្តម ឡាន់ ឆន លេខាធិការគណៈកម្មការទី១០ព្រឹទ្ធសភា សមាជិកក្រុមសមាជិកព្រឹទ្ធសភាប្រចាំភូមិភាគទី២ និងឯកឧត្តម អ៊ាង សុផល្លែត រដ្ឋលេខាធិការក្រសួងបរិស្ថាន និងជាប្រធានក្រុមការងារចុះជួយស្រុកអូរាំងឪ បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំឆ្នាំ២០២១ និងទិសដៅការងារឆ្នាំ២០២២ របស់ស្រុកអូរាំងឪ ដោយមានការចូលរួមពីសំណាក់ថ្នាក់ដឹកនាំស្រុក មន្ត្រីអង្គភាពការិយាល័យជុំវិញស្រុក និងអាជ្ញាធរឃុំ ភូមិរបស់ស្រុកអូរាំងឪ ចំនួន ១៤៧នាក់ ស្ថិតនៅសាលាស្រុកអូរាំងឪ ខេត្តត្បូងឃ្មុំ។
